El diputáu d'IX, Gaspar Llamazares, esixó güei al Gobiernu d'España que plantege una estratexa unitaria pa la defensa del carbón, en cuenta de apostar pol futuru del sector. “El Gobiernu refuga prácticamente'l futuru de la minería, ateniéndose al zarru en 2018, inclusive, aumentando la presión sobre la minería con zarros antemanaos y ensin reserva estratéxica. Échase de menos una actitú similar a l'adoptada nel sector Naval y, nesi sentíu, emplazamos al Gobiernu a que recupere una estratexa unitaria con Comunidaes Autónomes y axentes sociales y a que la defenda ante la Unión Europea”

Las reclamación de Gaspar Llamazares surde arriendes de la respuesta del Executivu de Mariano Rajoy sobre'l futuru del sector mineru, ónde'l Gobiernu asume ensin cuestionar l'horizonte del 2018 pal zarru de toles esplotaciones non rentables y niégase a falar del volume necesario de reserva estratéxica de carbón d'equí al 2050.

Na respuesta, el Gobiernu refuga tamién aportaciones pa los planes de pensiones de los mineros abandonando, a xuiciu de Llamazares, al sector y a los sos trabayadores. Frente a esta “apatía” para col sector, el diputáu d'IX apostó por una nuevu estratexa qu'ufierte garantíes de viabilidá de la minería. “Si nel sector naval foi posible amenorgar drásticamente la sanción per parte de la Comisión Europea, por qué nun va a ser posible, tamién, caltener una reserva estratéxica del sector mineru y asina mesmu caltener les prexubilaciones que tan necesaries son nel conxuntu de la minería y en particular de les contornes mineres”.