La oficina d'información turística zarrada hasta'l 20 de xunetu y abierta agora con horariu acutáu, la piscina municipal zarrada, el socorrista ensin incorporase inda; el Centru d'Interpretación de la Pesca tamién zarráu y les rutes de senderismo nun estáu deplorable, ensin llimpiar, y la ruta del Ferrocarril ensin allumáu nos túneles. Asina s'atopen los equipamientos municipales.

El conceyu de Santiso d'Abres atopase con una ocupación turística del 70% a mediaos de xunetu y prevese averase al 100% nel mes d'agostu, esplica'l conceyal d'IX. “Estos datos nun paecen ser relevantes pal equipu de gobiernu que nun da prioridá al caltenimientu y puesta a puntu de los recursos turísticos pa la dómina braniza”, diz Amago.

Hasta'l 20 de xunetu la oficina d'información turística tuvo cerrada y cuando se publica l'horariu previstu pal branu, ésti “ye bien deficiente p'atender a los turistes”. Amago pudo recoyer les pasaes selmanes quexes de turistes qu'escoyeren Santiso d'Abres como destín vacacional y una vegada nel pueblu nun disponíen de servicios básicos afechos; como un puntu d'información turística abiertu n'horariu ampliu, les distintes rutes de senderismu llimpies de maleza o la piscina municipal. Asina mesmu Amago siente'l malestar de los hosteleros pola situación, que se ven na necesidá de derivar los sos veceros a otros puntos de la contorna.

La oficina d'información turística asitiada na Plaza del Ferrocarril abre con un horariu bien deficiente y pocu apropiáu pa les hores de más arribación d'usuarios. El so caltenimientu de les infraestructures de la oficina y la plaza ye “pésimu”.

La piscina municipal atópase zarrada y llena de maleza. Reseñando que lleva vaciada casi dos años a pesar de disponer d'un sondéu de barrena n'esclusivu pal so enllenáu. Amás, el Conceyu de Santiso d'Abres convocó una plaza de socorrista, ensin qu'hasta la fecha sépase públicamente nada de la incorporación de personal a pesar de lo avanzao que ta'l branu.

El Centru d'Interpretación de la Pesca atópase zarráu y ensin mires d'abrir. Igualmente convocóse plaza pa un Animador Sociu-turísticu, y de la mesma forma que la piscina sigue ensin serviciu.

Les rutes de senderismu atopense nun estáu deplorable, ensin ser controlada la maleza en tol añu. Especialmente la ruta de Pena do Encanto que ye de les más allegaes y tán prácticamente intransitables. La ruta del Ferrocarril tamién escarez d'allumáu nos túneles.

Pedro Amagu pon de relieve l'altu valor medioambiental del conceyu y la riqueza turística de Santiso d'Abres y anima a los empresarios de turismu a siguir trabayando pol desenvolvimientu turísticu y económicu del conceyu al empar que tresmite'l sofitu del Grupu Municipal d'IX, a pesar de la deficiente xestión qu'espeña l'Equipu de Gobiernu.