Uviéu.-La conseyera d'Educación, Ana González, defendió güei el nivel de la Universidá d'Uviéu y aseguró que'l Principáu cunta con una “escelente” institución académica.

La titular d'Educación sorrayó que los datos del estudiu O-Ranking sobre les universidaes españoles presentáu ayeri nun tán actualizaos y nun reflexen la situación real de la institución académica asturiana.

“En cuestiones educatives nun podemos confundir inversión con gastu y tenemos de tener en cuenta que la inversión n'educación siempres produz beneficios. Nun podemos pensar na universidá namás como si fuera una empresa que viende chaquetes, porque se dedica a formar a los nuesos mozos”, señaló.

La conseyera fizo estes declaraciones en suscribiendo un conveniu de collaboración pa la prevención del abandonu escolar tempranu colos conceyos d'Uviéu, Avilés y Siero.