El Conceyu Bimenes yá l’encargáu de convocar esti concursu nel que vei poder participase hasta’l 31 de mayu.
El Conceyu Bimenes t’acabante de convocar el XVI Concursu de cuentos pola oficialidá del asturianu. Los cuentos que se presenten al certame han tar redactaos n’asturianu ya nun pasar de las díaz fueyas, mecanografiadas a doble espaciu ya por una cara namás. El plazu de presentación de trabayos acaba’l 31 de mayu. L’apertura de plicas vei faese’l 3 de santamarina ya la entrega premios el día 12 del mesmu mes, no trescursu d’una xornada literaria.
Las tres obras que choquen más al xuráu van ser premiadas con importes económicos distintos: 600 euros pal primer premiu, 450 euros pal segundu ya 300 euros pal terceiru. Los cuentos, de los qu’hai que presentar l’orixinal, trés copias ya una copia más en versión informática, han dunviase a esta dirección: Ayuntamientu Bimenes. Martimporra, s/n. 33527 – Bimenes.
El Conceyu Bimenes destaca pol sou compromisu a la hora de mantener esti certame literariu, sobre todo pol esfuerzu económicu qu’el.lo-y supón al enguano nun cuntar cono apoyu nin de la Conseyería d’Educación, Cultura ya Deporte nin de la Obra Social ya Cultural de Caxastur.
Nesti enl.laz pueden consultase las bases del concursu.
FOTO: Bimenes.SRT
