El Serviciu de Normalización L.lingüística del Conceyu de Cangas del Narcea presenta un folletu nel que se recói’l calandariu de ferias ganaderas que se celebran no conceyu añalmente. Trátase d’un dípticu en l.lingua asturiana nel que s’especifican las fechas ya l.lugares de cadaguna de las citas ganaderas d’esti 2013.

Amás, el folletu dedica un apartáu a la contextualización de las cinco grandes ferias añales canguesas: el Sábadu de Ramos, la Cruz de Mayu, la Feriona, San Mateo ya San Andrés. Nél desplícase la importancia d’estos mercaos pa la zona ya las razones de la súa existencia.

El repartu de folletos vei faese no mes de febreiru. Los folletos fairánse chegar a cadagunu de los l.lugares de Cangas, amás de repartise nos organismos relacionaos cono sector, cumo l’Axencia de Desenvolvimientu del Conceyu ou la oficina del Serviciu de Normalización L.lingüística.