Asturies-Énte l’anuncia de que l’Estáu español va finar dafechu cola minería asturiana nel 2015 al elliminar toles aídes al carbón y ente les declaraciones del Conseyeru d’Economía del “Principado” amosándose “desoláu” por esa muerte prevocada, Andecha Astur quier denunciar una vuelta más la responsabilidá y la complicidá del gobiernu del “Principado” en tou esi procesu y la so reiterada traición a los intereses del Pueblu Asturianu en xeneral y de los mineros asturianos en concreto, pa la que cuntaron cola vergoñosa y tamién imprescindible  complicidá de les direiciones sindiclaes del SOMA –UGT y CCOO.

Ello asina, Andecha Astur considera "despreciable sentir a ún de los responsables del esfarrapamientu d’Asturies, comu ye Graciano Torre, llamentase pola fin de la minería  na qu’ellos collaboraron activamente; y namás espera que más ceo que sero, tantu elli comu’l restu de responsables del preslle de la minería y de tantu y tantu sufrimientu comu tan produciendo al Pueblu Trabayaor Asturianu, tean que responder delantre d’élli por toes y cauna de les sos fechoríes escontra esti país y esti Pueblu".