El plazu de matrícula pa presentase a las pruebas de conocencia de la l.lingua asturiana, organizadas pola Academia de la Llingua Asturiana, ya ta abierto ya mantendráse asina hasta’l 24 de xineiru, dous días antias de la celebración de las pruebas, que van faese’l 26 de xineiru.
L’Academia de la Llingua Asturiana organiza añalmente dúas convocatorias, una en xineiru ya outra en mayu, abiertas a tódalas personas que busquen que se reconoza la súa conocencia de la l.lingua. Las pruebas van cuntar con una parte escrita que vei consistir na elaboración d’un dictáu, exercicios gramaticales ya una redacción; ya una parte falada que se desenvolverá conos miembros del xuráu encargaos d’esaminar.
Las personas que superen las pruebas van recibir un documentu que vei acreditar el sou nivel de conocencia certificáu pola Academia de la Llingua Asturiana. Outramiente, las personas que nun superen las pruebas van poder presentase a las convocatorias nuevas sin límite.
