Camienta que la so concesión tien de ser abierta y d’alcuerdu a unes bases nes que prime l’actividá socio-cultural de les asociaciones nel conceyu.

Oviedo.-Andecha Astur de Uviéu quier denunciar públicamente’l monnopoliu y los privilexos caciquiles de los que gocien determinaes asociaciones pa poner los sos "chiringos" nes fietes de San Matéu de mena permanente.

Dende Andecha Astur atalantamos qu’esta situación ye antidemocrática dafechu, darréu que perpetúen pa unos pocos unos drechos qu’a los demás se-yos ñeguen perdafechu, cuandu lo llóxico sedríe qu’esistieren unes bases democrátiques que permitieren a toles asociaciones culturales, de vecinos, esportives, festexos... etc optar al so propiu espaciu en función de los sos méritos y actividaes, n’especial les que tean la so proyeición dientru’l conceyu.

Pa tolos uvieinos, y pa los asturianos en xeneral, ye nidio que les más de les asociaciones ales que se-yos permite asitiase nes fiestes de San Matéu tan vinculaes a partíos políticos (La Guinda-PSOE, El Rincón Cubano-PCE, Pinón Folixa-IU, El Topo Fartón-IU…) y que comu tales asociaciones práuticamente nun tienen más actividá que la d’algamar ingresos al traviés d’esos "chiringos".

Nesi se, Andecha Astur fai un llamamientu a tolos uvieinos a que caltengan una actitú crítica y coherente y que nestes fiestes eviten conumir nestos "chiringos", atalantando’l términu tantu en sentíu lliteral comu nel más ampliu rellacionáu cola corrupción y l’amiguismu.