Cangas.-Cumo vien siendo normal nestas fechas ta p'acabar el plazu de presentación d'orixinales a la convocatoria añal de los concursos literarios convocaos pol Gobiernu del Principáu d'Asturias: XXXIII Premiu de novela en l.lingua asturiana "Xosefa Xovellanos", XVIII Premiu de poesía en l.lingua asturiana "Xuan María Acebal", XVIII Premiu d'ensayu en l.lingua asturiana "Máximo Fuertes Acevedo", V Premiu de literatura infantil ya xuvenil en l.lingua asturiana "María Josefa Canellada" ya IV Premiu de cómic en l.lingua asturiana "Alfonso Iglesias".

Estos premios, que tienen por obxectivu consolidar, arriquecer ya prestixar la cultura ya la l.lingua asturianas, tan dotaos con un premiu de 4.000 € por modalidá.

Las personas interesadas en concurrir a estos premios han mandar los sous orixinales ya cuatro copias de los mesmos, xunto con un currículu curtiu qu'incluya los datos personales de los autores, al Rexistru Xeneral Central de l'Alministración del Principáu d'Asturias (C/Coronel Aranda, s/n, pisu plaza, sector central, Uvieo) antias del 15 de setiembre.

Pa más información, las personas interesadas en participar nestos certames nun tienen más que pasase pol Serviciu de Normalización L.lingüística (La Plaza la Oliva, s/n, Cangas del Narcea), l.lamar por teléfonu: 985812617 ou contactar vía electrónica: l.linguacangas@ayto-cnarcea.es.

Las bases completas d'esta convocatoria pueden descargase aiquí: https://sede.asturias.es/bopa/2012/06/15/2012-10742.pdf