Jesús Iglesias, candidatu d'IX a la presidencia d'Asturies, esixe esplicaciones a la candidata del PP y al delegáu del Gobiernu n'Asturies sobre les declaraciones del Delegáu del Gobiernu n'Aragón quien dió ayeri por finiquitados los fondos mineros. El Delegáu del Gobiernu n'Aragón, Gustavo Alcalde, dio por perdíes les ayudes del Plan de la Minería nunes declaraciones oficiales realizaes en Teruel con motivu la visita oficial que fixo a la capital. Alcalde xustificó esta perda “poles dificultaes económiques que travesamos”, dixo que son “irrecuperables” los fondos Mineros destinaos a les infraestructures nos conceyos mineros y consideró que “hai que falar d'alternatives”.

Iglesias emplaza a Mercedes Fernández a cuntar a los asturianos la verdá, dexar de mentir na campaña por que los ciudadanos sepan lo que van votar el próximu domingu.

Iglesias amosóse convencíu de qu'estes afirmaciones preparen el camín al Gobiernu de Rajoy, que va anunciar en curtiu colos presupuestos del Estáu pa 2012, que los fondos mineros pa infraestructures municipales van pasar a la hestoria.

“Ante estes afirmaciones, -continua Iglesias- dende Izquierda Xunida oponémonos a tirar la toalla y dar por perdíes estes ayudes que son necesaries pal desenvolvimientu sociu-económicu de les cuenques mineres”, alvirtió'l candidatu d'IX a la presidencia d'Asturies. “Esiximos al Partíu Popular d'Asturies que defenda los fondos mineros o siquier que diga a los asturianos que nun va executar les partíes comprometíes”, sostien.