El prósimu xueves, 23 de Febreru Tierra Astur Aguila, en Cualloto, recupera el espíritu del tradicional “Antroxu Asturianu” cola presencia y participación de “Los Sidros de Valdesoto” na habitual espicha de los xueves.

Los “Sidros” son una forma de “guirrios” mazacaraos con pelleyos de oveya y que blinquen y dancen al son de unos lloqueros que porten del cinchu. Tradicionalmente acompanguen a “La Comedia”, dando anuncia a la mesma. “La Comedia”, pola so parte, ye una sarcástica representación popular de teatro de calter críticu y burllescu sobro los aconteceres del llugar. Nesta ocasión, los “Sidros” vendrán acompangaos de dellos personaxes de “La Comedia” faciendo zumbar los lloqueros y blincando cola ayuda de les sos piertigues.

Cuntaremos, amás cola participación musical de la Bandina Tradicional Grupu Principáu de Llugones.

Los “Sidros y Les Comedies de Valdesoto” lleven, xuntu a otros grupos de mazcaraes asturianos como “Os Reises” del Valledor (Ayande) la tradición de les mazcaraes asturianes d`iviernu a alcuentros añales como los que se cellebren en Zamora o Llisboa (Portugal) y constituyen un de los másimos referentes na recuperación d`esti tipu de mazcaraes nel país.

Tolos asistentes a la “espicha antroxera” d`esti xueves, que tien un preciu de 17’50 hrs, recibirá, de baldre, una mazcara de un personaxe mitolóxicu asturianu p`antroxase.

La espicha entamará como ye davezu, el prósimu xueves 23, de magar les 21’45 hrs. Desde Uviéu saldrá un autobús de baldre a les 21’00 hrs que llevara y traerá a la xente de vuelta a Uvieu sobro les 00:30 hrs.