El prósimu xueves día 16 de febreru, a les 19,30, nel Muséu Casa Natal de Xovellanos. http://museos.gijon.es/page/5283-museo-casa-natal-de-jovellanos, celebraráse un alcuentru d’harpistes nel que participarán con un conciertu dellos músicos, como l’harpista bretona Morgane Le Cuff. www.myspace.com/morganelecuff,  www.youtube.com/watch?v=_JbcPpQH1vE y los asturianos José Jaime Rubial y Dani García de la Cuesta.          

Morgane Le Cuff, ye una harpista moza qu’estudia nel Conservatoriu de Rennes, en Breizh, y visita Asturies y Galicia dientru d’un proyeutu d’investigación sobre música tradicional y la so adaptación a les harpes.

Nel so repertoriu pueden sentise melodíes bretones y tamién temes d’anguaño.

Los harpistes asturianos tán venceyaos a un llargu camín dientru la música astur, tantu en grupos folk como Zapica, Dani G. de la Cuesta, www.myspace.com/danigarciadelacuesta, o de manera solista, José Jaime Rubial, como improvisador y acompañante n’alcuentros poéticos.

Interpretarán delles melodíes de los sos repertorios.

Entamen el conciertu l’Asociación Cultural Esbilla y Juventudes Musicales de Xixón

La entrada ye de baldre