Xixón acoyerá un añu más el 5u Festival de Cine Gai y Lésbicu d'Asturies - CinegailesAST 2011 que tendrá llugar los díes 15,16 y 17 d'avientu (diciembre) nel Salón d'Actos del Centru de Cultura Antigu Institutu Asturianu, allugáu na rúa Xovellanos. El festival premiará curtiumetraxes, documentales y películes d'esta temática y esti añu dedicará les sos proyecciones a remembrar a tolos homosexuales del mundu que viven en países onde la homosexualidá considérase oficialmente un delitu. El festival concede premios votaos pol públicu asistente a les proyecciones que tendrán llugar en sesiones de tarde siendo l'asistencia gratuíta a toes elles. El Festival concedió los sos Premios d'Honor a Ang Lee, Stephen Frears, Bill Condon y Gus Van Sant y premió nes sos cuatro ediciones a artistes como Eva Lesmes, Michel Horvat, Marisa Crespo, Moisés Romera, Rosario Pardo, Jalil Lespert, Juan Carlos Claver, Marcos Arriaga, Mariel Maciá, Julieta Serrano, Tess Harper, Nathan López, Hannelore Esler, Tor Iben, Juan Simons o Anna Boluda.