Asturies.-Miles de voces volvieron a reclamar este sábado, marchando por el centro de la capital del Principado, la dignidad de la lengua asturiana y el fin de la represión a la que conduce cada día la negación del derecho de los asturianos a hablar su propia y milenaria lengua,  así como las campañas contra la cultura asturiana en general promovidas por la extrema derecha, ahora también por Feijoo (que ya anunció que los gallegos sí pueden hablar gallego, pero no asturiano los asturianos, según Teresa Mallada), de Foro, socio del PP, y de VOX.

Reproducimos el manifiesto leído hoy na Plaza de la Escandalera per la cantante Alicia Villanueva, l'escritor y músicu Xaime Martínez, la filóloga María Abril y el traductor Miguel Sánchez

Manifestación pola oficialidá del 7 de mayu del 2022

Bon día a toes y a toos. Gracies por responder otra vez al llamáu de la Xunta
pola Defensa de la Llingua Asturiana, por venir a enllenar esta plaza, enllena como
esi vasu del cartel de la convocatoria d’anguaño. Nun sé qué vos paez, pero pa mi’l
vasu ta abondo más qu’amediáu.
Sí, vese un vasu bien enllenu de razones, de sentimientos, de derechos, de
xente de tolos colores comprometío cola llingua y cola llucha... De música, de
banderes, de corazones, de lliteratura, d’esperanza, de munchu arte... Un vasu que
ta al tresvertir de dignidá y de voces que glayen ¡OFICIALIDÁ YÁ!
Si nesta llexislatura nun se llogró la oficialidá del asturianu y del gallego-
asturianu nun foi por falta de puxu de la xente que tais equí. Les mayores
demostraciones de la vitalidá y la fuercia del movimientu viéronse dende que s’abrió
la posibilidá de llograr un avance históricu pa les llingües propies d’Asturies. Y güei
volvemos tar equí cola certeza de que la razón ta del nuestru llau.
Hubo una pandemia, ye verdá; haila entá y quién sabe si d’equí a poco va
venir la séptima fola. Y tamién hai una guerra ehí a la vera que yá ta nos ta rindiendo
muncho... Sabemos qu’hai prioridaes qu’hai qu’atender primero, pero nun podemos
tragar que pa lo último siempre quede’l reconocimientu de les llingües y los
derechos llingüísticos de los asturianos y les asturianes. Paezme que vamos tener
que siguir glayando y reclamando xusticia...
Sobre’l procesu d’estos últimos meses, a los primeros que tenemos que
señalar ye a los que refugaron siquiera sentase a falar de la protección de les
nuestres llingües... Namás les quieren pa semar prexuicios y asustar col apocalipsis,
pero nun-yos da más qué pase con elles. ¡Ellos nun les falen y hasta dicen que nun
les entienden, que precisen traducción! ¿Qúe-yos dará tanta vergüenza? ¿Por qué
tantu autoodiu?Los grupos partidarios de la oficialidá dixéronnos que nun se llegó a un
alcuerdu, qu’hubo intransixencies per una parte o esixencies inasumibles pela otra, o
falta de cintura o de capacidá negociadora per toes..., pero la verdá ye que nun
s’abrió’l debate onde se tenía qu’abrir: nel plenu de la Xunta Xeneral. Y eso ye
responsabilidá del Conseyu de Gobiernu, el Gobiernu de la FSA, que ye l’unicu
órganu que tien agora mesmo la capacidá d’impulsar una reforma del estatutu
d’autonomía.
Preguntáivos qué pasaría si la FSA cumpliera’l so programa electoral del
2019. Concretamente la so promesa númberu 186, qu’enunciaben como’l
“compromisu esplícitu d’abordar, nesta llexislatura, el debate sobre la reforma del
estatutu y del reconocimientu oficial del asturianu y del gallego-asturianu”. ¿Qué
pensáis que diba salir d’esi debate? ¿Nun diba haber una mayoría de diputaes y
diputaos p’aprobar un estatutu al altor d’esti país, de la so xente, de la so cultura,
d’una vez por toes? ¿O pensáis que diba ganar la postura d’esa minoría radical y
intolerante qu’apuesta abiertamente pol esterminiu de les llingues propies
d’Asturies?
La realidá ye qu’hasta agora nun cumplieron esa parte del so programa. Nesi
procesu de reforma estatutaria quedaron namás na política de los xestos
qu’entamaron nel 2019, cuando cuntaben con una llexislatura tranquila.
Y pasen los meses y siguen faciendo xestos que por repetíos conviértense en
mueca. Y siguen apostalgando la so responsabilidá, falando yá de la llexislatura que
vien pa facer daqué. Les consecuencies d’esi desdexamientu puen ser bien graves...
Porque tan dándose pasos atrás na normalización, perdiéndose espacios d’usu del
asturianu que yá paecíen afitaos y reconocíos por tola comunidá. Porque una
Cátedra de Lliteratura Asturiana o trabayar p'algamar el maior d'asturianu nun
podemos negar que son pasos alantre. Pero la realidá ye que la selmana pasada'l
rector de la Universidá d’Uviéu anunció que diben dexar d’usar l’asturianuinstitucionalmente, contraviniendo l’estatutu d’autonomía y los propios estatutos de
la universidá. Y, lo que ye más grave, col silenciu o la complicidá del Gobiernu.
Pasos atrás y trenes que se pierden, como la presencia del asturianu nes
plataformes de conteníos audiovisuales que sí van tener a partir d’anguaño otres
llingües del Estáu pol fechu de ser coooficiales nes sos comunidaes autónomes. O
que nin na TPA podemos ver series y películes n'asturianu y les neñes y los neños
nun tienen dibuxos animaos na nuestra llingua.
O situaciones inxustes y discriminatories, como la que carez el profesoráu de
Llingua Asturiana y de Gallego-Asturianu, que ven pasar los años ensin que se
reconoza la so especialidá docente y ensin poder acceder a la función pública como’l
restu del profesoráu. Y el propiu presidente Barbón reconoz que’l problema ye por
culpa de la falta d’oficialidá.
Y porque la estrema derecha y la derecha estrema nun pierden la oportunidá
d’emporcar la opinión pública, disfrutando de tribunes y día y otru nos medios de
comunicación pa esparder el so odiu y los sos prexuicios, en redes sociales, en
centros d’enseñanza. Que ye una llingua inventada... ¿Ye inventao esto que falo?
¿Inventólo mio güela? Que nun lo fala naide... ¿Nun soi naide? ¿Somos naide tola
xente que tamos equí glayando añu tres d’añu?
Nun son más qu’unos pocos exemplos de lo que supón perder más tiempu
pa facer llegal lo que ye de xusticia. Podíemos falar de la situación incierta na que
queda la llingua nel sistema educativu cola aplicación de la LOMLOE, o del retrasu na
recuperación efectiva de la toponimia, de l’aventura que ye l’usu vehicular del
asturianu nes empreses que lo quieren facer... Hai que reconocer los derechos
llingüísticos de los asturianos y asturianes porque siguen tando inoraos y violentaos.
Hai que protexer el nuestru patrimoniu llingüísticu pa que dexe de tar arrequexáu y
abandonáu al so desaniciu. ¡Nin un día más con un derechu menos!La oficialidá va poner les bases xurídiquespa facilitar que s’estienda l’usu de
la llingua a toles situaciones sociales, va favorecer el desenvolvimientu d’una
industria cultural propia d’Asturies y ayudar a la tresmisión xeneracional. Y, sobre
too, va impedir la represión por razones llingüístiques que yá tamos careciendo y de
la que yá tamos fartes.
Lo que ta claro ye que mientres el debate nun s’abra en condiciones, el
conflictu va siguir zarráu en falso. De momentu paez que les fuercies polítiques yá
asumieron que nun va haber oficialidá anguaño, dalgunes entregándose yá a cálculos
electoralistes perriba de les obligaciones que-y deben al electoráu.
Pue que sí, igual la oficialidá va tener qu’esperar entá un poco más, pero va
llegar de xuru, porque’l futuru pal asturianu y pal gallego-asturianu namás va ser
posible con oficialidá y porque ye la voluntá d’un pueblu. Nunca hubo na Xunta
Xeneral tantos grupos políticos a favor, así que les condiciones tán ehí y hai que les
aprovechar. Equí van alcontranos pa dicilo toles veces que faiga falta.