- Pieza audiovisual sobre la represión llingüística na dictadura franquista dirixía por Inaciu Galán, que va charrar colos y les asistentes
- Pa dir hai d'apuntase de baldre
El Palaciu de Valdecarzana acueye'l miércoles que vien, 15 de setiembre a les 19 hores la proyeición del documental "No se dice ye, se dice es. Represión llingüística na escuela franquista", actu organizáu pola Estaya de la Llingua d'Avilés. Tará tamién el so direutor, Inaciu Galán pa charrar col públicu. El Conceyu d'Avilés ye ún de los patrocinadores del documental.
Pa dir ye necesario apuntase primero y ye de baldre; como muncho hai 15 places: llamando al 985 54 55 08, mandando un Whatsapp 634 82 16 13 o mandando un corréu a estayallingua@aviles.es
Va ser la segunda vez que se pueda ver el documental n'Avilés dempués de la so presentación, el pasáu 18 de mayu, nel Muséu de Historia Urbana al celebrase'l Día Internacional de los Museos.
