La Universidá d'Uviéu va celebrar la XI Selmana de la Ciencia del 14 al 18 de noviembre de 2011. La inauguración oficial del eventu va tener llugar el llunes 14, a les 10:00 hores, na Aula Magna del Edificiu Históricu. L'actu, presidíu pol rector, Vicente Gotor, va cuntar cola presencia de la directora xeneral d'Universidaes del Principáu d'Asturies, Pilar Castro; del presidente de l'Asociación de Químicos del Principáu d'Asturies, Miguel Ferrero; y del responsable de Comunicación Esterna El Corte Inglés d'Asturies y Cantabria, Alfonso Fuertes.

El Vicerrectorado d'Investigación de la Universidá d'Uviéu, al traviés de la área de cultura científica de la OTRI (Oficina de Tresferencia de Resultancies d'Investigación), coordina esta iniciativa, promovida dende la FECYT, con un claru oxetivu: averar la Ciencia y la Tecnoloxía al públicu polo xeneral y especialmente a los mozos. Pa ello, les actividaes entamaes presentanse d'una manera abierto y curioso, "amosando en cuenta de cuntando" el llau más risonderu de la investigación.

El conteníu del programa de la Selmana de la Ciencia de la Universidá d'Uviéu entámase tradicionalmente en seis grupos d'actividaes:

• Ciencia Apasionante. Visites educatives a Departamentos y Servicios Científicu Técnicos pa estudiantes de secundaria, qu'anguaño fueron solicitaes por 9.137 alumnos de 4º d'ESO y Bachilleratu, provenientes de 72 centros educativos de la rexón. D'ellos, más de 3.500 alumnos van poder realizar los itinerarios.
• Pensando na Ciencia. Meses redondes y conferencies sobre temes de revesosos o d'interés xeneral.
• Enseñando la Ciencia. Talleres nos que se busca la participación activa de docentes y públicu adultu: llunes 14, "Químicos o cocineros"; martes 17, "Química y la cosmética"; miércoles 16, los asistentes van construyir el so propiu herbario; xueves 17, "El color de la química"; vienres 18, "Molécules sabroses".
• Una Puerta Abierta a la Ciencia. Xornada de puertes abiertes nel Edificiu Severu Ochoa del Campus d'El Cristu, dirixida a un ampliu espectru de la población, busca espertar, sobremanera nos más nuevos, l'interés pola ciencia, pola tecnoloxía y pola investigación.
• Amosando la Ciencia. "Galería de Premio Nobel" ye una esposición iniciativa de la Universidá d'Uviéu, financiada pol Ministeriu de Ciencia ya Innovación y la Fundación Española pa la Ciencia y la Tecnoloxía. El conteníu de los cartelos, ellaboraos por alumnos de 3º y 4 de la ESO de nueve centros educativos de la nuesa rexón, reflexa la trayectoria y aportaciones de 24 científicos galardonaos con un Premiu Nobel en Química. El llunes 14 de noviembre de 2011, va faese entrega la entrega d'un premiu en metálicu a los trés meyores pósteres.
• Día de la Ciencia. Investigadores de la Universidá d'Uviéu, de toles árees de conocencia, van impartir 83 conferencies en numberosos centros educativos del Principáu d'Asturies.

La Selmana de la Ciencia de la Universidá d'Uviéu consolidóse, a lo llargo de los sos diez años d'esistencia, como l'eventu de divulgación científica más relevante que se celebra n'Asturies. Nel marcu d'esta iniciativa, la institución académica asturiana ufiertó casi 800 actividaes gratuites y de llibre accesu, arreyó a más de 400 científicos ya investigadores -tantu de la institución como d'otros centros d'investigación, universidaes y museos científicos nacionales- y, hasta l'añu 2012, la Selmana de la Ciencia n'Asturies recibió unos 24.000 visitantes. Un programa que cada añu espierta mayor interés y que pretende faer llegar la cultura científica a un mayor númberu de ciudadanos.