El cocineru Lluis Nel Estrada y el realizador Pablo Casanueva conducen esta road movie que percuerre 1500 kilómetros del oriente al occidente d’Asturies, amosando les variedaes, la ellaboración y la vida de los artesanos d’esti productu, tan apreciaú como desconocíu pol consumidor. La Televisión del Principáu d’Asturies (TPA) emite de magar el miércoles 24 de febreru a les 22:30, Tierra de quesu, una serie documental centrada nel mundu queseru asturianu. Una road movie qu’afonda nes variedaes, na historia y na ellaboración d’esti productu. Tamién nos fala de la vida de los sos productores artesanos y de les dificultaes a les que s’enfrenten. El realizador ribeseyanu Pablo Casanueva, autor ente otres obres de Bernabé, La sele construcción de la memoria o Escontra la casualidá dirixe esti proyeutu de cuatro capítulos, conducíu pol cocineru y consultor gastronómicu Lluis Nel Estrada. Esti espertu gastrónomu guía al propiu Casanueva, un mozu profanu nel mundu de los quesos asturianos, más allá de les nociones básiques de les que puede disponer cualquier consumidor, pela xeografía asturiana, percorriendo dalgunes de les munches queseríes artesanales qu’ellaboren esti productu, cada vez más apreciáu pol consumidor, pero tovía enforma desconocíu.

De Peñameyera a Taramundi, Estrada y Casanueva percuerren un total de 1.450 kilómetros en cuatro etapes, nes que van dando a conocer dalgunes de les munches queseríes artesanales que surdieron n’Asturies en dos tiempos. N’una primer dómina o revolución quesera asturiana de magar los años 80 del pasáu sieglu y otra vuelta, na que Estrada denoma como segunda revolución de los quesos artesanales asturianos; de magar la crisis del 2008, cola apaición de nuevos quesos artesanos, queseríes y nueves tendencies tanto a la hora d’ellaborar los quesos como a la de comercializalos, ya incluso consumilos. Les panorámiques de los impresionantes paraxes naturales qu’arrodien les queseríes combínense colos planos detalle de la cuidada ellaboración d’esti productu: la separación del cuayu, l’amasáu o l’afumiáu. Cada capítulu ta dedicáu a una zona xeográfica: De les Peñameyeres a Maliayo. Los quesos asturianos cerca la mar (la costa), Los Alpes queseros d’Asturies. L’orixe del Beyos, Gamonéu y Cabrales (oriente), El Centru d’Asturies. Los quesos del corazón del país (centru) y De Grau a Taramundi. Onde’l quesu pasa a llamase queisu (occidente). Amás, tolos episodios cuenten con una referencia gastronómica: recetes, cates o maridaxes de productos relacionaos col mundo del quesu o de la lleche.

¿Por qué’l Gamonéu ye tan caro? ¿Si’l quesu de Los Beyos escacha al cortalo quier dicir que ta pasao? ¿Por qué n’Asturies nun se pueden facer quesos poco curaos con lleche crudo y en Francia sí? ¿Los quesos asturianos son afayadizos pa cocinar? En cada capítulu, los queseros, verdaderos protagonistes d’esta producción de TPA, van dir respondiendo a estes y a otres cuestiones. D’esta manera l’espectador conocerá a unu de los últimos pastores que pasa seyes meses al añu col ganáu en Los Picos d’Europa, esplorará les estreches cueves nes que se curen el Cabrales o’l Gamonéu, o asistirá a la resurrección del quesu d’untar d’Urbiés, cuasique estinguío va años y qu’un mozu ganaderu quier recuperar. De Peñameyera a Taramundi, Estrada y Casanueva percuerren un total de 1.450 kilómetros en cuatro etapes, nes que van dando a conocer dalgunes de les munches queseríes artesanales que surdieron n’Asturies en dos tiempos.

N’una primer dómina o revolución quesera asturiana de magar los años 80 del pasáu sieglu y otra vuelta, na que Estrada denoma como segunda revolución de los quesos artesanales asturianos; de magar la crisis del 2008, cola apaición de nuevos quesos artesanos, queseríes y nueves tendencies tanto a la hora d’ellaborar los quesos como a la de comercializalos, ya incluso consumilos. Les panorámiques de los impresionantes paraxes naturales qu’arrodien les queseríes combínense colos planos detalle de la cuidada ellaboración d’esti productu: la separación del cuayu, l’amasáu o l’afumiáu. Cada capítulu ta dedicáu a una zona xeográfica: De les Peñameyeres a Maliayo. Los quesos asturianos cerca la mar (la costa), Los Alpes queseros d’Asturies. L’orixe del Beyos, Gamonéu y Cabrales (oriente), El Centru d’Asturies. Los quesos del corazón del país (centru) y De Grau a Taramundi. Onde’l quesu pasa a llamase queisu (occidente).

Amás, tolos episodios cuenten con una referencia gastronómica: recetes, cates o maridaxes de productos relacionaos col mundo del quesu o de la lleche. Tierra de quesu grabóse ente ochobre y payares del 2020, anque la idea llevaba dellos años madurando na mente de Pablo Casanueva y Lluis Nel Estrada. “Asturies tien una de les producciones queseres más importantes d’Europa y sicasí los asturianos conocemos poco más que’l Cabrales, el Gamonéu y l’Afuega’l Pitu”, esplica’l cineasta. “Tenemos una cultura quesera mui potente, con gran variedá y con lleche de muncha calidá, y sentimos la necesidá de treslladar a la sociedá una primer visión d’esti mundu”, añade Estrada. La serie ta grabada dafechu n’asturianu y foi seleccionada na convocatoria extraordinaria, Asturies crea Sinerxes, desarrollada dende la Oficina de Política Llingüística de la Conseyería del Cultura, pa promocionar la llingua y cultura asturiana y emburriar al sector audiovisual como parte de la industria asturiana.