El xuráu destaca’l númberu y el “nivel escelente” de la mayoría  de  los trabayos presentaos al gallardón

La obra El fervinchu, del escritor Sidoro Villa (Lieres, 1962) foi la ganadora de la cuarentena primer edición del premiu Xosefa Xovellanos de Novela en llingua asturiana. El gallardón, convocáu y concedíu pola Conseyería de Cultura, Política Llingüística y Turismu del Gobiernu d’ Asturies, tien una dotación de 5.000 euros.

El xuráu encargáu de valorar les obres, reuníu baxo la presidencia del director xeneral de Política Llingüística, Antón García Fernández, tuvo formáu pola promotora cultural Natalia González, el profesor Marcos Martínez, les escritores Marta Mori y Paula Pulgar, y el ganador de la edición anterior, Francisco Álvarez González. Actuó como secretaria Lourdes Álvarez, filóloga de la Dirección Xeneral de Política Llingüística.

El xuráu quixo valorar bien positivamente'l númberu d'obres presentaes, doce, y sobremanera el “nivel escelente” de munches d'elles. L'acta esplica que la trama d' El fervinchu  “xira alredor de los llazos familiares y la so perduración nel tiempu, antes y depués de la muerte, nun contestu rural que termina’l so ciclu”. La obra, que puede considerase una novela coral, ta estructurada alredor de la güela, un papel protagonista concebíu como personaxe femenín d'una gran fortaleza y complexidá. El xuráu tamién destaca “la construcción del restu de personaxes, la so fondura psicolóxica y l'humor negru que percuerre tola obra”.

Sidoro Villa Costales ye profesor de primaria en el lCP Xentiquina de Lieres, ilustrador y escritor. Tien publicaos llibros de lliteratura infantil y xuvenil como Llibru de los suaños (2007), ¡Nun-yos tengas perceguera! (2004), Mael al debalu (2010), Evaristo Valle, el pintor del antroxu (2011), Nun-yos tengas perceguera 2 (2016). También publicó les novelas A estaya (2016) y Tres beyuscos (2019).

(CAST) Sidoro Villa gana el premio Xosefa Xovellanos de novela en lengua asturiana con la obra El fervinchu

-   El jurado destaca el número y el “excelente nivel” de los trabajos presentados al galardón

La obra El fervinchu, del escritor Sidoro Villa (Lieres, 1962), ha sido la ganadora de la cuadragésimoprimera edición del premio Xosefa Xovellanos de novela en lengua asturiana. El galardón, convocado y concedido por la Consejería de Cultura, Política Llingüística y Turismo, tiene una dotación de 5.000 euros.

El jurado encargado de valorar los trabajos, reunido bajo la presidencia del director general de Política Llingüística, Antón García, estuvo compuesto por la promotora cultural Natalia González, el profesor Marcos Martínez, las escritoras Marta Mori y Paula Pulgar, y el ganador de la edición anterior, Francisco Álvarez. Actuó como secretaria Lourdes Álvarez, filóloga de la Dirección General de Política Llingüística.

El jurado ha valorado el número de obras presentadas, doce, y el “excelente nivel” de muchas de ellas. El acta explica que la trama de El fervinchu “gira en torno a los lazos familiares y su perduración en el tiempo, antes y después de la muerte, en un contexto rural que termina su ciclo”. El texto, que puede considerarse una novela coral, está estructurado alrededor de la abuela, un papel protagonista concebido como personaje femenino de una gran fortaleza y complejidad. El jurado también destaca “la construcción del resto de personajes, su profundidad psicológica y el humor negro que recorre toda la obra”.

Sidoro Villa Costales es profesor de Primaria en el Colegio Público Xentiquina de Lieres, ilustrador y escritor. Ha publicado libros de literatura infantil y juvenil como Llibru de los suaños (2007), ¡Nun-yos tengas perceguera! (2004), Mael al debalu (2010), Evaristo Valle, el pintor del antroxu (2011), Nun-yos tengas perceguera 2 (2016). También ha publicado las novelas A estaya (2016) y Tres beyuscos (2019).