Por segundu añu consecutivu, la Fundación Nuberu organiza les xornaes culturales De Castilletes y carbón. Trátase de la segunda edición d’una actividá de dinamización cultural que ponen en marcha la Fundación Nuberu y l’Ayuntamientu de Llangréu. Estes actividaes van empezar esti xueves día 3 de payares en Ciañu y van acabar el día 4 d’avientu nel Nuevu Teatru La Felguera.
Estes xornaes culturales, De Castilletes y carbón, xiren alredor de les interrellaciones ente mina, música, lliteratura, sociedá… y s’articulen nuna serie de ponencies sobre estos temes, Los Xueves de Castilletes y Carbón na Casa los Alberti, y rematen con un conciertu del grupu Nuberu nel Nuevu Teatru La Felguera’l día de Santa Bárbara.
Programa actos “De Castilletes y Carbón” en el Centru de Referencia de la Cultura y la Llingua Asturiana Casa de los Alberti:
- Xueves 3 de payares a les 20:00 hores
Recital lliterariu. Ana Vanesa Gutiérrez, Pablo Rodríguez Medina, Xulio Arbesú, Manuel Asur y Chechu García
- Xueves 10 de payares a les 20:00 hores
Lliteratura y mina. Benigno Delmiro Coto
- Xueves 17 de payares a les 20:00 hores
El Conceyu Llangréu na toponimia medieval. Xose Lluis García Arias
- Xueves 24 de payares a les 20:00 hores.
Canciones de mina nel mundu. Rubén Vega García
- Xueves 1 d’avientu a les 20:00 hores
La huella etnográfica de la mujer en la Cultura Asturiana reciente: Desde la ruptura con la vida campesina hasta la crisis del modelo industrial. Apuntes sobre un futuro incierto. Heriberto Gutiérrez García
- Domingu 4 d’avientu (día de Santa Bárbara). Nuevu Teatru La Felguera.
NUBERU EN CONCIERTU
