El Colegio Público de Felechosa anuncia la última representación de su pieza teatral "P'állá del Más-Allá". Tendrá lugar el próximo lunes 17 de junio a las 11.30 horas en el Salón de Actos de la Residencia del Montepío en Felechosa. Esta función será muy especial porque, además de poner el broche final a su gira teatral, habrá varios "cameos" de tres de los Residentes.

“P’allá del Más-Allá” es una divertida comedia que trata sobre la vida de Adelina y su familia, los cuales tienen un golpe de suerte cuando a la abuela le toca un montón de dinero en el Gordo de Navidad. Sin preocupaciones económicas, la familia se dedica a vivir la buena vida, mientras que Gusti, su vecina de puerta de toda la vida, se muere de envidia. Pero, un día cualquiera, la vida de la familia da un vuelco cuando reciben una llamada para anunciarles que la Abuela ha desaparecido y, además, solo ella sabe donde está el dinero. Adelina estará dispuesta a emplear cualquier medio para encontrar a su madre y al dinero, incluso, a contactar con las fuerzas oscuras del Más-Allá…

(Llingua Asturiana)

Dende’l CP Felechosa venimos desendolcando, durante los caberos seis cursos, obres de teatru orixinales coles que partipemos nel Certame de Teatru Escolar en Llingua Asturiana y Gallego-Asturiano que convoca la Conseyería d’Educación y Ciencia del Principáu d’Asturies con motivu de la celebración de la Selmana de les Lletres Asturianes.

Pa ello, la mayestra de Llingua Asturiana, Laura Prieto Rodríguez, fixo un Grupu Teatru compuestu polos escolinos y escolines de 5º y 6º d’Educación Primaria del centru.

La nuesa participación nesti Certame, viose bien recompensada en caúna de les ediciones, algamando un total de 17 galardones y siendo’l nuesu “palmarés teatral” el que vien darréu:

Cursu 2012/2013: “¿Un meteroritu en Felechosa?” Tercer Premiu a la Meyor Obra y Premiu al Meyor Testu Orixinal pa Laura Prieto.Cursu 2013/2014: “Misteriu nel Reina Sofía” Primer Premiu a la Meyor Obra, Premiu a la Meyor Actriz, Premiu a la Meyor Direición y Premiu al Meyor Testu Orixinal pa Laura Prieto.Cursu 2015/2016: “Un casu de la lleche” Segundu Premiu a la Meyor Obra, Premiu al Meyor Actor, Premiu a la Escenografía y Premiu al Meyor Testu Orixinal pa Laura Prieto.Cursu 2016/2017: “Anovase o Morrer” Premiu al Meyor Actor, Premiu al Meyor Vestuariu, Premiu al Meyor Testu Orixinal pa Laura Prieto.Cursu 2017/2018: “¡¡Pites sí, Aves non!!” Premiu al Meyor Actor, Premiu al Meyor Testu Orixinal pa Laura Prieto.Cursu 2018/2019: “P’allá del Más-Allá” Tercer Premiu a la Meyor Obra, Premiu a la Meyor Actriz pa Nerea Megido.

Estos dos caberos galardones, vamos recoyelos el prósimu xueves 2 de mayu a les 18.00 hores nel Teatru Palaciu Valdés d’Avilés, na Gala d’Entrega Premios qu’entama la Conseyería d’Educación y Ciencia.

Amás, durante los trés caberos cursos, tuvimos desendolcando una mini-xira teatral visitando dellos teatros como’l de La Laboral de Xixón,  l’Auditoriu Teodoru Cuesta de Mieres, el Teatru Cine Carmen de Morea, la Xunta d’Iniciatives de Caborana y el Salón d’Actos de la Residencia del Montepío.

Agora mesmo, tamos colos caberos preparativos de lo que sedrá la nuesa cuarta Xira Teatral, representando la obra d’esti cursu “P’allá del Más-Allá”, que va tener les feches que vienen darréu:

Vienres 10 de mayu a les 12.00 h, Teatru Cine Carmen de Morea. Función pa toles escueles del Valle d’Ayer.Xueves 16 de mayu a les 20.00 h, Teatru Cine Carmen de Morea. Función pa tolos públicos.Martes 28 de mayu a les 19.30 h, IV Gala de Teatru Escolar nel Auditoriu Teodoru Cuesta de Mieres, xunto col Grupu de Teatru del CP Returbiu. Función pa tolos públicos.Vienres 7 de xunu a les 19.30 h, Xunta d’Iniciatives de Caborana. Función pa tolos públicos.Llunes 17 de xunu a les 11.30 h, Salón d’Actos de la Residencia del Montepío. Función pa tolos públicos.

“P’allá del Más-Allá” ye una divertía comedia que cunta la vida d’Adelina y la so familia y de cómo la vida d’estos camuda dafechu cuando a la Güela-y toquen un porrón de millones nel Gordu de Navidá. Con perres n’abundancia, dedíquense a la bona vida mentantu que Gusti, la so vecina de puerta de tola vida, nun ye pa con ello. La vida d’Adelina y la so familia pega un revés cuando, un día cualisquiera, reciben una llamada avisándolos de que la Güela desapaeció, y enriba solo ella sabía ónde taben les perres. Adelina, tará dispuesta a emplegar tolos medios p’atopar a so ma y a les perres, incluso, a contautar coles fuerces escures del Más-Allá…

Naguamos qu’esta información-yos seya de provechu y nos echen un gabitu pa da-y la másima difusión.

Gracies.