Escenapache cunta con más de diez años de trayectoria teatral asturiana. Los sos espectáculos van dende’l teatru destináu al púbicu infantil hasta’l cabaré, testos contemporáneos o costumismu punk. Los testos tán escritos y dirixíos por Marga Llano, actriz y fundadora de la compañía, con más de 15 años d’esperiencia teatral y audiovisual. Na compañía trabayen davezu artistes que collaboren na creación de caún de los espectáculos d’una manera cercana, acoricando cada detalle como si d’un llaboratoriu escénicu se tratara.

Garráime, que lu mato o la lloca hestoria d’Asturies Calendario viernes, 16 noviembre 2018 marker Oviedo, Teatro Filarmónica Tiempo 20:00

FICHA TÉCNICA

Direición: Marga Llano. Testos: Marga Llano / Pepe Mieres. Repartu: Alberto Rodríguez. Jorge Moreno.  Pepe Mieres. Tania de la Cruz. Marga Llano. Escenografía: Vicente Pastor. Illuminación: Rubén Rayán. Soníu: Daniel González. Vestuariu: Azucena Rico.

Garráime, que lu mato o la lloca hestoria d’Asturies

SINOPSIS

La obra, en clave d´humor irónicu, desarróllase en distintes escenes y cuadros, pertenecientes, cáun d'ellos, a una dómina en concreto. Entama na prehistoria, col homo prexubilatus, antecedente remotu de los asturianos. Dientro del medievu, trátase ente más otros, de la invasión de los godos, la batalla de Cuadonga o la monarquía asturiana. 
La figura de Carlos V y la de Xovellanos tamién tienen el so papel nesta lloca hestoria. La Revolución del 34, la Guerra Civil – con escena inspirada nun fechu real asocedíu na Batalla del Mazucu-, y la dómina de La Transición, completen los acontecimientos del pasáu. La escena final ye futurista y afáyase nuna escursión de xubilaos al centru Niemeyer nel añu 2061, qu’incluye l'apaición de la mesma Santina.

Entrada libre