La nave Llunar Reconnaissance Orbiter (LRO)de la NASA tomó una visión única de la Tierra, con África y España al frente, dende'l puntu de vista de la nave espacial n'órbita alredor de la Lluna.

   "La imaxe ye simplemente impresionante. Remembra al famosu 'Blue Marble', la imaxe tomada pol astronauta Harrison Schmitt mientres el so vuelu nel Apolo 17, va 43 años. Nella tamién se vía una África prominente na imaxe", destacó Noah Petro, responsable de la misión nel Centru de Vuelu Espacial Goddard de la NASA.

   Nesta imaxe compuesta vese cómo la Tierra paez alzase sobre l'horizonte llunar dende'l puntu de vista de la nave espacial, col centru de la Tierra frente a la costa de Liberia.

   L'amplia zona escura na parte superior derecha ye'l desiertu del Sahara. Al norte, España queda tapecida por una gran masa de nubes. Amás, les mariñes d'América, lo mesmo l'atlántica como'l Pacíficu son visibles a la izquierda.

   Mientres, la nave LRO muestra parte de la superficie de la Lluna. Concretamente, pue observase una visión del cráter Compton, que ta xusto detrás de la estremidá oriental del satélite, na so cara oculta.

   LRO llanzóse'l 18 de xunu del 2009 y axuntó abondos datos colos sos siete preseos, faciendo una valiosa contribución a la conocencia científico sobre la lluna. LRO esperimenta 12 imaxes terrestres como l'agora captada cada día. Sicasí, la nave espacial ta casi siempre ocupada rexistrando imaxes de la superficie llunar polo qu'escasamente se plantega facer estes fotografíes.