Demientres 1808 tuvieran llugar en toa España  socesos que dexaron güella na Hestoria.

El pueblu llevantóse n´armes  contra´l invasor francés lluchando pola llibertá del so país.

Munchos homes  tornáronse en héroes de la griesca y morriendo per los sos ideales, pero tamién foi llugar pa les muyeres:

N´Andalucía, Francisca Larrea, nomada Doña Frasquita, la Compañía de Santa Bárbara en Girona, la famosa Agustina d´Aragón. Y n´Asturies Joaquina Bobela y María Andallón.

En nuesa rexón el llevantamientu entamó el 9 de Mayu.

Obreros de la Fábrica d´Armes,  estudiantes y artesanos fueron siguíos mas tarde poles clases dominantes, llegando  a la Plaza la Catedral onde taba allugáu l'edificiu de correos. Conocides por  nueves,de familiares que vivíen na capital les atrocidaes que'l xeneral francés Murat, entoncies xefe del Estau, había fecho, siendo responsable máximu  de los fusilamientos del 2 de Mayu, el pueblu a los gritos de “!Viva el Rey! Y ¡muerran los Franchutes!, entamó la sublevación escontra l’exercitu mas poderosu d´Europa, l’Exércitu de Napoleón.

Joaquina Gonzáles Bobela, “Joaca  Bobela”, yera natural d´Uviéu. Casada con un emplegáu del Real Resguardo, nomáu  Pedro Pascual Barredo.

Na mañana de 9 de Mayu Joaca dio la seña d´alarma cuando sacaron les armes de la Real Fábrica,participando nel desarme los Carabineros reales.

Al mesmu tiempu, l'Audiencia pretendía publicar el bandu de Murat, qu´había unviao les tropes a poner urden na ciudá. Joaca y Marica impidieron la proclamación xunto con otros sublevaos. Joaca arrancó de les paredes los pocos cartelos que l'Audiencia punxera por Uviéu.

Díes mas tarde, tuvo que salir de la ciudá cola so familia, saquiando so casa los franceses.

Tiempu dempués pudo tornar, y el Rei Fernando VII dio-y una pensión de por vida , al igual qu'a Marica polos sos servicios prestaos.

Marica Andallon, naz en Uviéu, d´una familia natural del pueblu d´Andallon, nel conceyu Les Regueres.

Güérfana de neña, y madre soltera entra a trabayar como criada, viviendo en diferentes  ciudaes españoles, y tamién en París y Burdeos, lo qu'i valdría entendese col bandu enemigu pa los futuros acontecimientos.

Participa na fundación d´un cuerpu sanitariu qu'auxilia a los firíos d´ambos llaos, llevando artículos de primera necesidá.

Escondió a vecinos comprometíos, y ayudó a moces ocultes nel conventu los xesuites de les violaciones franceses.

Pero tamién intervino activamente, cuando nel 19 de Xunu'l reximientu de Castropol apresó a militares y nobles pa fusilalos col cargu d'afracesaos y collaboradores de los franceses.

Marica avisó al Cabildu de la Catedral, ya encabezó una procesíon poles cais llevando na so testa la Cruz de la Vitoria, aplacando asina al pueblu con ansies de vengación