Nun sé si vos pasará a vosotros, pero cuando veo a los neños  d´agora doime cuenta de lo diferente  que foi la nuesa mocedá, y el saltu per grande que´hai pente les xeneraciones.

Lo primero que , hai que mirar, ye qu'enantes taba enlleno de rapacinos. Pela cai, los parques, les caleyes.., claro, lo raro yera ser fíu únicu, porque casi toos teníen dos,tres o cuatro hermanos.

Vivíase nun pisu de 70 m cuadraos, colos padres y vegaes cola güela, compartiendo un solo bañu, ¡y apañábamonos!.

La organización y economía yeren pilares básicos de les madres.

Les herencies taben a la urden del día, pero un falo de tierres ni de perres, falo de la ropa, los zapatos, los llibros de la escuela , hasta'l maletu  pa llevalos.

Si yeres el segundu, entavía podíes tener suerte, pero como fueres el pequeñu, nun estrenabes na vida. Buenu, estrenar, estrenábase siempre pal día de Ramos.

Un vistíu, una chaqueta de puntu texía por to ma o tu güela, unos zapatos de charol que siempre terminaben mancándote per tolos llaos…

Lo que mas llamame l'atención ye'l pocu tiempu que tienen los nenos güei pa xugar. Nos nuesos tiempos, dábate tiempu pa too. Dibes a clase, facíes los deberes y llueu  garrabes el bocadillu de pan con chocolate y pa la cai.

Facíase too xuntos,   nun había maquinines ni móviles que dexen los neños tontos.

Xugábase a les chapes, al pinchu, les neñes con una comba o una goma facíamos maraviyes ximnástiques. Nun había gordor  ni diabetes infantil.

Pa comer, un bon cocíu con chichu, y los domingos si hubiere algo especial, pasteles de la confitería. El bocadillu pa merendar llera sagráu, y la cena tocaben pataques con acompañamientu. Y si lleres mal comedor, cuchará d'aceite de fégadu de bacalláu pal gañote.

Había privilexaos  que teníen tele en casa, y allá diben tolos güajes a ver les películes, que dempués según fuere'l tema salíase a la cai a xugar colos trastes propios. Si tocare una d'indios y vaqueros , garrabes les pistoles y a lluchar nel Cañón del Coloroao. Si llera una de pirates, sacábense les espades de madera feches en casa y ¡al abordaxe!.

En cuantu a la educación, ésta llera cenciella, austera y entendible pa toos:

la primera, llera d'avisu, a la segunda to ma sacaba la zapatiella, esi arma lletal que manexaba lo mesmo que Bruce Lee los nunchacos, y que siempre daba nel blancu.

A ella nun i interesaba cuál dellos hermanos la hubiera armao,, siempre cayía un zapatillazu

-          “ Tu por facela, tu por chivate, y tu por tar en mediu”

Y dibes rascando les ñalgues  hasta que se nos ocurría la siguiente.

Guapos tiempos nos que la xente comunicábase, teníes pila amigos pa xugar, y andabes pela cai hasta que tapecía.

Llibertá y despreocupación. Güei semos presos de les nueses responsabilidaes,y  agora  los neños tamién les tienen,espero que´l futuru  nun los afuegue.