Dende l´aniciu de los tiempos considérose al gatu como un animal máxicu.

Na tierra de los faraones yeren animales sagraos, rellacionaos col cultu a la diosa Bastet que llera protectora del llar.

Na cultura cristiana los gatos tamién  tan  lligaos a la superstición dende la Edá Media. Los Cruzaos teníenlos pa  cazar les rates negres , portadores de la peste qu´ ellos mesmos habíen traío  nos  barcos dende Oriente.

Pero´l “Mal auguriu” llevólu'l gatu prietu..La Ilesia rellacionábalu con creencies diabóliques, creyendo que llera'l Diañu, lo mesmu que les muyeres col pelo roxo o los güeyos verdes.

La Santa Inquisición persiguió a ambos, les muyeres yeren bruxes , y los gatos simbolizaben el mundu de les tiniebles ,y el mal, participando en corres onde Lucifer copulaba coles bruxes.

En 1561 un famosu procesu, acusó a les muyeres de tornase en gatos pa semar el mal y les enfermedaes.

Los gatos prietos  fueron xulgaos como persones. Cazaos y metíos  en saques, quemándolos vivos en fogueres y dempués decapitándolos p'asegurase que'l mal taba fináu.

Cruzase con un gatu prietu trai mala suerte, comer pelos del animal pue volvete llocu, y si lu pones enriba la cama d´un enfermu , esti muerre de xuro.

Pero hai llugares como en Escocia que creen que si atopes a un gatu na antoxana de casa , traerá prosperidá  al llugar.

Yo soi per supersticiosa, pero a mi siempre me prestaron  estos gatinos.

 La de la semeya soi yo col mio primer gatu prietu. Será que como tamién soi roxa a mi nun m'afeuta  la mala suerte.

¡Que vos preste l'artículu collacios!.