El pexe ye un alimentu mui perecederu polo qu'el  tiempu ente la captura y conservación tien que ser rápidu per ello les industries conserveres asitiábense  nos puertos de mar más prósperos ,y yeren abastecíes per una importante flota pesquera, que nel conceyu de Gozón, foi una de les primeres en contar con barcos de vapor n´Asturies.

N´estes fabriques el personal taba formáu per muyeres mayormente, llegando a ser más de cien nel pueblu de Candás, la mayoría yeren muyeres y fíes de pescaores que contribuíen col so xornal a la economía familiar. Mui pocos homes trabayaben  na industria conservera, faciendo llabores especializaes como soldaores o mecánicos o puestos alministrativos.

Les xornaes yeren de 10 hores, trabayando per turnos día y nueche, marcaos pol pitíu d´una sirena.

Munches vegaes el llabor yera temporal, aconseyao pola bayura o escasez de pesca.

De branu yera cuando más trabayu había, ya que llera la costera del bonitu y la sardina. Los bocartes dexábense en salazón la vegada anterior y pela primavera iguábense en filetes fa facer les anchoes.

Na época de más trabayu, esti repartíase en tres turnos. Al atardecer llegaben los barcos cola carga que se portaba inmediatamente a la fábrica. Pela nueche llimpiábase'l pescao, nel casu del bonitu facíase en rodaxes grandes que se salaben pa lluego enllatales.

Ca seición tenía una encargada que controlaba'l llabor de les operares.

Na  fábrica había cocineres que facíen les salses, como l'escabeche o'l tomate, Les que llimpiaben y preparaben el pescao, etiquetadores, les que llimpiaben les llates d'aceite con serrín...

Pero una de les xeres mas importantes pola dificultá que tenía llera'l d'empacar, siendo les encargaes pa ello les muyeres mas avezaes y curioses, ya que del bon facer  dependía la bona presentación del artículu.

El xornal polo tanto nun llera'l mesmu  pa toes, entoncies cobrábase,los sábados al finar la selmana.

Hubo munches fabriques conserveres  n´Asturies, güei munches tristemente pesllaes, delles  llegaron a abastecer  a la casa Real pola so calidá , como “Pesquerías Asturianas” en Lluanco, “ Conservas Bernardo Alfageme” en Candás y Vigo, “ Conservas Dolores Bravo” en Cuideiru , “ Conservas La Gloria”,güei nomas “costera” en Natahoyo, Xixón, y la emblemática “ Conservas Ortíz” en Candás.