Pa reformar el reglamentu de la Xunta Xeneral precisábense 30 votos, ente que los d'IX Verdes, PP y PSOE sumen 29 sufraxos. Jesús Iglesias, que repitió l'apueste d'IX Verdes pol máximu de tresparencia, considera que Foru prefier una postura maximalista, de dudosa llegalidá, que-yos sirve d'escusa pa defender lo que nun se puede facer y nun facer lo que puede facese, esto ye, Foro Asturies quier ampliar la obligatoriedá de realizar esta declaración a los conyuges y fíos de los diputaos, los de los miembros del conseyu de gobiernu ya inclusive les de los representantes de la Xunta n'otros organismos, lo qu'implicaría un cambéu d'aprosimao 15 lleis y que, en dellos casos, nun podría realizase. IX-Verdes sostien qu'estos cambeos a mayores, y que van empobinaos a la mayor tresparencia nes alministraciones, pueden dir realizándose adulces, ensin que sía escluyente del cambéu del reglamentu de la cámara asturiana que tendría efectos inmediatos. IX-Verdes entiende qu'ésta ye una maniobra dilatoria de Foro Asturies