Cumo correspuende nestas fechas, el Conceyu de Cangas del Narcea convoca la edición IX del sou Concursu de cuentos curtios n'asturianu p'adultos, que, cumo cada añu dende la súa primer convocatoria, vei cuntar con dúas categorías,  una n'asturianu estándar ya outra n'asturianu occidental, siendo premiada cadaguna con 500 € .

D'outramiente ya cumo cada añu tamién, el xuráu, que se dará a conocer una vez conocíu'l determín tomáu no concursu,  vei tar formáu por personas varias: representantes de la Conceyalía de Cultura, un/a representante de l'Academia de la Llingua Asturiana, maestros/as ya escritores/as en &&ingua asturiana.

Tódolos trabayos han presentase por cuatriplicáu, ensin pasar las 20 fueas en DIN A4 a espaciu doble, baxo l'autoría d'un pseudónimu ya axuntando plica no interior, ya van dirixise al:

Serviciu de Normalización L.lingüística del Conceyu Cangas

La Plaza la Oliva, s/n

33800 Cangas del Narcea

El plazu pa entregar los trabayos literarios acaba'l día 21 del mes muertu del 2011 (21/XII/2011).

Cualquier outra información ou consulta sobre'l particular puede faese ou bien chamando al propiu Serviciu de Normalización L.lingüística n'horariu de 8:00 a 15:00: 985 81 26 17/ 985 81 70 89; ou bien mediante corréu electrónicu: l.linguacangas@ayto-cnarcea.es.

FOTO: Un rincón de Cangas. rmera