CaleyAvilés ufre una visita guiada n'asturianu pel parque de La Madalena

CaleyAvilés ufre una visita guiada n'asturianu pel parque de La Madalena

A les 19:00 hores a la entrada del parque, xunto al CEIP Enrique Alonso

Ye la tercera edición d'esti ciclu qu'entama la Estaya de la Llingua. Nos meses siguientes podrá visitase'l barriu de Sabugo, el parque d'El Muelle, el Paséu de la Ría, el parque Ferrera, el pozu de La Noria y el cascu históricu xunto cola capiella Las Alas.

 

CaleyAvilés ufre una nueva oportunidá pa conocer ún de los sitios más emblemáticos de la ciudá, el parque de La Madalena. El percorríu va entamar a les 19:00 hores a la entrada del parque, xunto al CEIP Enrique Alonso. L'actividá ye de baldre, apuntándose enantes nel teléfonu 985 545 508 o nel corréu electrónicu a estayallingua@ayto-aviles.es

Ye'l tercer añu siguíu que la Estaya de la Llingua entama'l ciclu d'actividaes Caleyavilés, col respaldu del públicu nes dos primeres ediciones, onde van poder descubrir los secretos de la ciudá conociendo dalgunos de los sos sitios más emblemáticos. Van ser cinco visites andando, entamaron el vienres 18 de mayu, coincidiendo col Día Internacional de los Museos, y en xunu, xunetu, agostu y setiembre, el primer vienres de cada mes.

El programa de visites guiaes n'asturianu pa esti añu ye'l que vien darréu:

Vienres 18 de mayu

- 19 hores. Muséu de la Historia Urbana d'Avilés

Vienres 1 de xunu

- 19 hores. Parque de La Madalena. Puntu d'alcuentru: entrada al parque xunto al CEIP Enrique Alonso.

Vienres 6 de xunetu

- 19 hores. Barriu de Sabugo, parque d'El Muelle y Paséu de la Ría. Puntu d'alcuentru: plaza del Carbayo, delantre la ilesia de Sabugo.

Vienres 6 d'agostu

- 19 hores. Parque de Ferrera. Puntu d'alcuentru: Edificio de La Noria, dientro'l parque.

Vienres 7 de setiembre

- 19 hores. Cascu Históricu. Puntu d'alcuentru: plaza España, delantre la Casa Conceyu.

 

Más o menos cada visita dura una hora y media y hai 25 places. Les actividaes son de baldre y recomiéndase llevar calzáu cómodu. P'apuntase hai que llamar al teléfonu 985 545 508 o mandar un corréu electrónicu a estayallingua@ayto-aviles.es

Nos dos años anteriores l'actividá atraxo a visitantes d'otros conceyos d'Asturies, a los que-yos prestó muncho descubrir d'una manera diferente una ciudá milenaria con una historia mui marcada al traviés de la evolución de la so traza urbana.

Esti ciclu de visites xurdió del ésitu de les que se ficieren en 2014 pel parque Ferrera y en 2016 al Muséu de la Historia Urbana nel Día Internacional de los Museos, esta ye una cita que se caltién como puntu d'aniciu del ciclu.

Dejar un comentario

captcha