Tamos fartos de ver y oyer pelos medios d´comunicación múltiples enguedeyos llaborales. Pieslles de fabriques que son rentables, intereses políticos o patronos atuñaos que lleven abondes families a vese na cai, manifestaciones, encierros, güelgues….
A lo llargo del Sieglu XX tuvo chiscao de continuos trances de trabayadores colos patronos. Lluches pola meyora salarial, y les condiciones llaborales que llevaron a múltiples lluches de los obreros cola patronal y les fuerces del urden públicu. Saldándose d´elles vegaes cola prisión , a vegades la muerte.
La “Güelgona” de 1906 ye l'entamu del movimientu obreru asturianu. Tuvo llugar na Fabrica de Mieres. Los obreros , mineros y metalúrxicos, declaráronse en güelga porque l'entoncies direutor,Ernesto Guilhou, fíu del fundador Numa Guilhou,negóse a subillos el sueldu el 10% que yos prometió y qu'en xunetu del añu anterior quitara pola crisis industrial.
Los trabayadores fartos d'inxusticies entamaron la güelga el 7 de Febreru na mina “Baltasara” espardiéndose a otres mines y talleres.
Tres meses de represión severa , duelgu los sofitos de diverses entidaes, los obreros finaron por rindise pola fame y l'agotamientu.
El 11 d´Abril tornaron a trabayar en sin llograr los sos oxetivos.
La represión foi per dura. La empresa echó a la cai a tolos representantes güelguistes, siendo 570 mineros y 300 metalúrxicos los que quedaran fuera, los mas yeren socialistes. La decisión de los despidos llévose a cabu pol llamáu “Gabinete Negro”, comisión nomada pola empresa , formada por emplegaos y averaos. ,
Unu de los despidíos foi el políticu socialista y futuru fundador del SOMA Manuel Llaneza. Llogró topar trabayu n´ otres mines , pero al enterase el “Gabinete Negro", echáronlu fuera d´estes, polo que tuvo que migrar al norte de Francia a trabayar na minería.
Otru de los persiguíos pol dichu comité, foi Ciges Aparicio , escritor y collaborador por entós pal periódicu “Vida Nueva”. Ciges treslladose a Mieres a cubrir el conflictu. Sos artículos y un postrer llibru nomáu “Los vencedores” provocó series amenaces a so persona , finando marchar de la rexión. El retrucáu llibru que rellataba la sociedá represora y beata,dueña de les fabriques ,requisóse pola empresa y destruyóse en so totalidá.
Güei día, entavía síguese lluchando polos derechos de los trabayadores. Coses tan merecíes como la xornada d´ocho hores, seguridá nel trabayu o un salariu dignu.
